mai pchle 5 mahine se relationship me hu meri GF bahut bar apne mobile or mere diye hue letters ke sath pakri jaa chuki hai. par ab uske family wale mujhse baat kar chuke hai or unhone kaha hai ki wo kch nahi bolenge agar mere papa hum dono ki shadi ke liye razi ho jaye ye baat maine apne mummy se kar li hi par mujhe samjh nahi a raha ki apne papa ko kaise batau wo bahut gusse wale hai bahut jayaada .

Hi madhuram ayush,


Dekhiye dost, bohot hi simple si baat hai. Aapki girlfriend ki taraf se unke parivaar wale sab tayar hain, aapki mummy ji bhi tayar hain toh aisi situation mein aapke pitaji se baat karna aur unhe iss rishte ke liye raazi karne mein zyada pareshani, mujhe nahi lagta aapko ani chahiye.
Dost, jab bhi apne bachchon ki shadi ki baat ati hai, parents humesha mil baith kar baat karke ek nateeje par pahuchte hain. Aisa nahi hota ki bina baat kiye ya bina aapki mummy se ek baar bhi puche, apke pita aapki shadi kahin aur kara denge. Zahir si baat hai dost, shadi aapki wahin hogi jahan sabki razamandi hogi. Koi zor zabardasti se aapki shadi kahin bhi nahi karega. Kehne ka mere matlab sirf itna hai ki jab aapki family mein aapki mummy tayar hain, aapki girlfriend ki taraf se bhi koi opposition nahi hai...toh aapke pita ji ko bhi iss rishte se koi pareshani nahi hogi.

Karna aapko sirf itna hai dost, unke paas jaiye, aur bohot hi aram se, shanti se unse baat kijiye aur unhe yeh samjhane ki koshish kijiye ki aap apni girlfriend ko kyun pyaar karte hain aur unse shadi kyun karna chahte hain. Apni girlfriend ke ander ki jitni bhi achchaiyan hain, jo bhi baatein aapko unki pasand aati hain..woh saari baatein aap apne pita ji ko batayein aur main asha karta hoon woh aapko zarur samjhenge.

Ek aur baat dost, aapko iss rishte mein aye huye sirf 5 mahine hi huye hain, jo mere hisab se bohot hi kam hain. Abhi yeh waqt shayad apse chahta hai ki aap apni relationship ko thoda aur waqt dein, usse sawarne ki koshish karein, ek dusre ko jane, achche dost se achche lovers banein aur ek dusre ko achche se samjhein. Abhi inn sab baaton mein padd kar khud ko pareshan karna, mere hisab se galat hai. Abhi aapki relationship bohot hi nadaan hai..immature hai. Iss mein bholapan hai, nadani hai, bachpana hai. zarurat hai ki aap isse thoda aur aage tak le jayein aur jab ek ya do saal ho jayein aur aapko lagne lage ki haan aap apni girlfriend ke sath ek achchi life spent kar payeinge, khush reh payenge...tabhi shadi ke liye aage sochein.

hello.aap tension mat lein...aapne apni ammi se baat kar li hai to unse kahein ke woh jaldi aapke dad se baat kar leingi.jaldbazi se kuch theek nahi hota.agar apki ammi ki baat b na mani apke dad ne to khud himmat peda kar k baat karein.kisi na kisi din to yeh kaam karna hi hai.umeed hai jald karienge aap....warna us ladki ka time waste na karein

Dekho Dost, Couples ke liye marriage me rukavat ya barrier tabhi aata hai jab ladki walo ki taraf se Na ho, but aapke khushnasibi hai ki aapse bat kar ke hi apke gf ke gharwale raazi ho gaye hai aapki shadi unki beti se karvane ke liye, so ab aapko karna ye hai ki aap apni mummy se kahiye ki ve aapke papa ke sath apki shadi ki bat age badhaye or us samay aap bhi apne papa ko bade hi pyar or shanti se samjhaye or apni gf ki achaiya or positive points bataye or unhe bataye ke aapke or apke partner ke bich kitni achi understanding hai or kitna aap ek dusre ko chahte or samajhte hai, or aap apne papa ko kahiye ke agar aap raazi ho jate hai or maan jate hai apke bete ki shadi unki premika se karvane ke liye to aap apne bete ko humesha khush dekh payenge or bete ki khushi se badh kar ek pita ke liye or koi khushi nai hogi ye aap samajle, agar aap khud baat nahi kar pa rahe to aap apni mumy ko pehle shurvat karne ko boliye or uske bad aap apki mumy ke sath jud jaye or dono milkar convince karne ki koshish kare, q ke ekta me bal hai mere dost. Humari Subhkamnaye apke sath hai, nishchint hokar or housle or vishwas se aage badhiye jeet ap ki hogi.

yrr apko to koi problam nhi honi chayiye apki mummy apke sth h or apki gf k perants bhi apka sth de rhe to phir apko apne papa ko apne relationship k bre mai unko bta do or sb kl perants apne bacho ko pyar krte h pr koi dikhata h koi nhi to ap k papa dikhate nhi wo gussa krte h lekin wo apko pyar krte h ap or apki mummy mil kr unko mna lo wo maan jyege