I love him, how to know he loves me also ?

mai jan'na chahte hun k mai jiss say pyar karti hun kia wo b mujh say pyar kartay hain?

Hi maham aslam,


Dost, jisse aap pyaar karte hain kya woh bhi aapse pyaar kartey hain ya nahi, iss baat ko janne ke liye zaruri yeh hai ki aap unko apni taraf se jakar unse apne pyaar ka izhaar karein. Aur isse bhi pehle zaruri hai ki aap agar achche dost nahi hain toh, unse dosti karein. Ek baar agar unke achchi dost ho gye, toh waqt ke sath unhe bhi aap se shayad pyaar ho jaye.

Yaad rakhiye, ek achcha humsafar banne ke liye bohot zaruri hota hai ki aap achche dost bhi hon taki aap dono ek dusre ko achche se jaan samjh sakein aur jo baatein aap apne humsafar se nahi share kar pate, woh unhe ek achcha dost samjh kar kar dein.

Jab aapki dosti iss layak ho jaye ki aap unke sath apni zindagi guzarne ke baare mein soch sakein, tab aap unko apne dil ki baat keh sakte hain aur agar woh bhi aapke liye kuch aisa hi sochte honge toh aap dono ek achche se rishte mein bandh sakte hain.

Toh zaruri hai ki aap pehle dost bane aur baad mein unhe apne dil ki baat batayein. Ooparwale ne chaha toh sab achcha hoga.

Namaste Mahamji,
Ye jan ne se pehle ki jise aap pyar karte hai kya wo b aap se pyar karta hai, ye jan na jyada jaruri hai ki kya aap unhe ache se jante hai pehchante hai ya nahi? Pyar ki shurwat dosti, samaj or aakarshan ki bhavna se hoti hai, to pehla sawal kya aap wo vyakti k ache dost h, kya aap dono ek dusre ko bohot asani se samaj lete hai agar in sab sawalo ka jawab na hai to pehle aap us vyakti se dosti kijiye or khud ko or use b ek dusre ko samajne ka mauka de or fir aap apne pyar ka izhar kare....

Hello Aslam ji.. aap sabse pehle yeh apne aap se confirm karein ki kahin jinse aap pyaar karte hain, yeh sab ek infatuation toh nahin. Kai baar sirf infatuation ho jata hai kisi ki personality ya attitude etc ko dekh ke.
Agar aapko lagta hai yeh sacha pyaar hai aur infatuation nahi, toh tabhi aap unse apne dil ki baat karein. Wish you all the best :)