Same cast love but very difficult to succsess because both side relatives in oppositi

hi,
with respect me yeh kehna chahta hun ki yaha situation aisi gambhir ban gai hai ki koi rasta nahi dikh raha hai,ladki muje chahti hai aur me use,par ladki ke ghar valo me jab se pata chala tab se ladki ke promic aur commitment me kafi badlav aa gaya hai,wo apne papa ki soch rahi hai ki kya hoga unka,pehle mere sath bhagne ko bhi taiyar thi lekin usne fir mana kar diya,uske ghar valo ko pata chalato mere cast ke logo ne aur meri bua ne bhi muje pro. me dal diya hai, sab mere khilaf hai,me music artist banana chahta hu to mene apna engineering chhod diya to sab lok muje tane mar rahe hai,me career bana raha hu aur Laladki ki expectaTION KE HISAB SE MAIN MEHNAT KAR RAHA HU,ladki ki dusre no. ki ben jo hai usne mere ko na hi bol diya hai pakka ki tu karodpati ban jaye firbhi me nahi karvaungi mrg, vo mere bua ki bahu hai,aur mera bhai bhi( bua ka ladka) ab agree nahi hai, matlab kahi se connection nahi lag rahe hai,nw mere family ne bhi isme babal khadi kar di hai aur problem khadi ki hai to mere pas ab sirf 8 mahine ka time hai,usk maa bap ne ladka dhund lene ki suruat ki hai,ladki gav ki hai aur usme kisibhi prakar ka darying nahi hai,usne muje samne se cal karne ko mana bolatha kyunki uske pas phone nahi tha,aur ek din usne hi muje samne se call kiya chhup ke aur abbhi wo mere sath phone me ro rahti hai,uske uncle ka ladka hamare suport main hai par uske maa bap ko ab kon samjaye kyunki uski ben jo meri bua ki bahu hai wohi is bich me khel khel rahi hai,wo patthar jaise insan hai,mere papa ne dusri sadi UP KE LADKI ke sath 49 ki age me ki hai kyuki mother ka demise 3 sal pehle ho gaya tha ,now situation itni kathin hai ki ladki double side hai ki uska koi bhi conformation nahi hai samay pe aur naseeb pe 6od diya hai usne,usko samjata hu me ab,lekin wo samajna nahi janti aur muje 6od na bi nahi janti,ab dono side se aur family se main fas gay hun,ladki ko mene bola ki maa bap ko bol ki mere ko pathna hai abhi me sadi nahi karugi mene bola 1 ya 1.5 sal me sab thik ho jayega me sab kar dunga lekin wo kisise kah bhi nahi sakti hai,ab ladki ko kaise samjau ki me kitni problem me hu,wo janti hai sab amere bare me,usko love bhi hai,wo mereko kai bar paresasn bhi karti hai aisi bate karke,phirbhi me ignore karta hu,ab aap batauo ki isme main kya kar sakta hu,ladki ke man me kya chal raha hai wo muje ku6 nahi pata chal raha hai,me bilkul fas gaya hu,me use khona nahi chahta aur wo bhi muje nahi par halat bigad gaye hai,ladki ko aisi kesi bat samjau ki wo mere sath bhagne ke liye bhi taiyar ho jaye,kese conveys karu? ya uske maa bap ko 8 month ke bad bolu, agar me bahut paisa kamauga phirbhi meri bua aur uske ghar vale to sab bolege aur bichme tang adayege,aur ladki ku6 bol nahi sakti hai kisise kyunki usne kabhi aisa nahi kiya aur bas aap hi koi rasta de sakte hai, me maximum kosis karuga ki me usko is site ka use karau aur aap se rasta magne ke liye question karau to aap usko samja dena ......plllllllllzzzzzzzzzzzzzz.............help me sir...... sir hum ekhi cast ke hai.....thanx sir

Sir, aapki samasya ka sabse saral upaay ye hai k pehle aap apne aap ko is kaabil bana lein k jab aap apni baat kisi ke saamne rakhein to aapki baat ka kuch asar pade saamne waale pe.
Jaisa ki aapne bataya ke aapne apni engineering ki parhai chor di thi, ye b ek reason ho sakta hai jiski madad se aapki bua ki bahu apni taraf ke logon ko bhadka rahi hon.. Aap kuch ban jaayenge life me to fir unke paas bhadkaane ke liye kuch nahi rahega..
Dusri baat sir, aapka engineering chorna aur aapne jo profession chuna hai music ye dono hi cheeze ek ladki k parivaar waalo k nazariye se dekha jaaye to shayad ek reason ho sakta hai ladke ko na karne ka.. Kyunki abhi bhi kuch logo ko ye galatfaimi h k log music/acting ki duniya me shauk k liye ya glamour se prabhavit hoke jaate hain aur isme career kuch din k liye hi hota hai..

Kisi bhi pyaar k rishtey me ladki ki himmat ladke se hoti hai aur ladke ki ladki se..
Aur sir aapke case me ladki ki baat karein to, aap bhi jaante hain k vo apne gharwaalo se bolne me darti hain.. Aise me pehle to aap ye pata karein k vo aapse pyaar karti bhi hain ya nahi, kyunki agar sach me pyaar karti hai hain to unhe darr ko peeche chorna hoga..

Taali ek hath se nahi bajti, agar aap apni taraf se kuch pryaas kar rahe hain, to kuch pryaas ladki ko bhi karne padenge..
Agar vo aise hi darti rahengi, to kaise ladenge aap dono apne pyaar k liye..

To samajhiyega baat ko, k pehle to aap apne aap to ache se settle kar lein 1-2 saal me.. aur sath hi sath hausla rakhte hue jab jab unse baat karein unhe samjhaaye k aap unke sath hai, aur agar vo aapse pyaar karti hain to vo b aapka sath dein.. ye kewal aapka ya unka pyaar nahi hai.. ye aap dono ka pyaar hai... to ise paane k liye koshish b aap dono ko milkar hi karni hogi...

Parivaar ko b aap settle hone k baad hi manayiega.. kyunki pehle to aap kuch ban jaaiye aur sath me ladki ko convince kare aapka sath dene k liye..

Jab 1-2 saal me aap ye dono kaam kar lenge.. uske baad aap aur aapki vo.. dono gharwaalo ko bata sakte hain.. aap acha kamaate honge, well settle honge.. to mujhe nahi lagta k gharwaalo k paas koi reason hoga aap dono ko mana karne ka..

Dhanyawaad

Hi Keval,


Dost, samjhne ki baat sirf itni si hai, koi bhi ladka bachpan se hi crorepati nahi hota. Har insaan apni kaabiliyat, apni mehnat se hi kuch ban pata hai. Agar apki girlfriend ke ghar wale apni beti ki shadi aapse isliye nahi kara rhe hain kyunki apke paas paisa nahi hai, toh yeh sochna unka sahi nahi hai. Insaan ki kaabiliyat, unki padhai, uska hunar dekh kar unhe apni beti ki shadi ka decision lena chahiye.

Ab apne apni engineering ki padhayi chodd di kyunki aapki ruchi music ki taraf hai aur aap usmein kuch karna chahte hain. Apki kaabiliyat ko aap behtar tareeke se pehchante hain. Apne hunar ko apne parkha hai. Aap se behtar aapki iss pratibhā ko koi nahi samjh sakta. Lekin dost, yeh aap achchi tarah se jante hain ki aapke paas samay kam hai aur jo bhi hai aapko usmein kuch aisa karke dikhana hai jiski buniyad par aap unke ghar walon se kam se kam baat kar sakein.

Dekhiye dost, pyaar khud mein ek responsibility hai, ek jim'mēdārī hai. Aapne apni girlfriend se sachcha pyaar kiya hai toh zahir si baat hai unki khushiyan ab aapki jim'mēdārī hai. Main apse yeh umeed nahi kar rha ki aap A. R Rehman bann jayein, but kuch bhi aisa, ek chote level pe, jo ki aapko iss layak bana sake ki unke ghar wale aapki baat sune. Toh kuch aisa karna aapke liye iss waqt sabse zaruri hai.


Dusri baat, saara dosh apne oopar mat lijiye. Pyaar mein yeh nahi hota ki ek hi insaan apni taraf se poori koshish kar rha hai. Zaruri yeh hai ki dono ( aap aur apki girlfriend ) apne apne taraf se, apne tareeko se koshish karein. Agar aapki girlfriend, apni saari uljhane, apni saari pareshaniyan apke sir par daal rhi hain, toh yeh bhi galat hai. Unse boliye, ki aap koshish kar rhe hain apni taraf se poori lekin aapki saari koshish bekar hai, vyarth hai agar apki girlfriend ka sath apke paas nahi hai. Toh unko samjhane ki koshish karein ki woh bhi apni taraf se thoda zor lagayein, sirf ghar walon ke kehne mein naa ayein aur aap par thoda bharosa rakhein.

Teesri baat yeh hai dost ki zindagi mein aapke sath jo bhi achcha ya bura hota hai usmein aapke rishtedaaron ka koi hath nahi hota hai. Yeh zindagi aapki hai. Isko kaise chalana hai, kahan le jana hai sirf aap par nirbhar karta hai. Isliye, aapki bua jo bhi keh rhi hain unki baaton ko utna hi suniye jitna aapko sahi lagta hai.

Baaki dost, jitna jaldi aap kuch kar sakte hain, utna achcha aapke liye hoga. Abhi samay hai ki aap poore jee-jaan se koshish karein kuch karne ki, kuch banne ki. Har cheez ko hone mein waqt lagta hai, isliye zyada ki umeed abhi aapse koi nahi kar rha. Kuch aisa jitne mein aap unke gharwalon se baat kar sakein aur unhe samjha sakein ki woh apko thoda aur waqt dein. Kisi ka bharosa paane ke liye, apke paas kuch hona chahiye ki woh aap par bharosa kar sake.
Aur aap bhi, thoda khud par bharosa rakhiye, thoda ooparwale par aur thoda apni kismat par.